Баткенде Төрт-Күл суу сактагычына чөккөн экинчи өспүрүмдүн сөөгү табылды. Бул тууралуу ӨКМдин басма сөз кызматы билдирди.

Маалыматка караганда, 14-майда саат 20:35те Төрт-Күл суу сактагычында кайыкта сейилдеп жүргөн (болжол менен 15-20 жашта) 2 бала сууга чөккөндүгү боюнча маалымат түшкөн.

ӨКМдин издөө-куткаруу отрядынын куткаруучуларынын издөө иштеринин натыйжасында 15-май күнү саат 08:35те 2009-жылы туулган Д. М. аттуу өспүрүмдүн сөөгү табылган.

Ал эми 2006-жылы туулган М.А. аттуу экинчи баланы издөөгө 18-май күнү да ӨКМден 36 куткаруучу тартылып, саат 14:14тө куткаруучулар тарабынан аталган жарандын сөөгү табылды.

Биздин Телеграм каналга катталыңыз