Баткен облусунун ишкерлери жана тургундары үчүн киреше салыгынын ставкасы эки эсеге – 10 пайыздан 5 пайызга чейин төмөндөтүлдү. Бул тууралуу Салык кызматы билдирди.
Мындан тышкары, салык төлөөчүлөргө жана жеке жактарга бир катар салыктык жеңилдиктер каралган.
Тактап айтканда, Салык кодексине ылайык, жеңилдиктер эки багытта берилет: өзгөчө жеңилдетилген салык режими менен айрым чек ара конуштарында жана Баткен облусу боюнча.
Биринчи багытка ылайык, айрым жеңилдетилген чек ара калктуу конуштарынын тизмесине кирген Баткен, Лейлек жана Кадамжай райондорунун 62 айылында катталган жана иштеп жаткан субъектилерге төмөнкүдөй салык жеңилдиктери берилет:
салык төлөөчүлөрдүн кызматкерлери үчүн киреше салыгынын ставкасы 5 пайыз өлчөмүндө белгиленет;
киреше салыгынан, сатуудан алынуучу салыктан бошотуу;
жергиликтүү кеңештердин чечими боюнча алар мүлк салыгын төлөөдөн бошотулушу мүмкүн.
Экинчи багыт боюнча салыктын бул түрлөрү боюнча жеңилдиктер инвестициялык келишим түзүүнү талап кылбастан, облустун салык органдарында каттоодо турган жана өнөр жай ишинин жеңилдетилген түрлөрүн жүзөгө ашырган салык төлөөчүлөргө берилет.
Алардын Баткен облусунан тышкары жайгашкан өзүнчө бөлүмдөрү өзгөчө болуп саналат.
Артыкчылыктуу өнөр жай иш-чараларына төмөнкүлөр кирет:
инновациялык технологияларга негизделген өнөр жай өндүрүшүнүн бардык түрлөрү;
женил жана тамак-аш өнөр жайлары;
электр энергетикасы;
айыл чарба продукциясын кайра иштетүү;
чогултуу өндүрүшү;
ар кандай экспортко багытталган өндүрүш.
2021-жылдын 1-июнуна карата түзүлгөн салык карызы өткөн жылдын 28-апрелинен 30-апрелине чейин Баткен облусунун аймагындагы кыргыз-тажик мамлекеттик чек ара тилкесинде болгон окуялардан жабыркаган субъектилердин алдында эсептен чыгарылат.
