Өзгөчө кырдаалдар министрлиги Кыргызгидромет борборуна таянып жакынкы күндөргө карата аба ырайынын божомолу тууралуу маалымат таратты.
Ага ылайык, 23-январдан 27-январга чейин Олкөнүн тоолу аймактарында кар жаашы күтүлөт.
23-январда түнкүсүн Ысык-Көл облусунун көпчүлүк аймактарында, Чүй, Жалал-Абад, Нарын облустарынын кээ бир райондорунда кар жаашы күтүлөт. Талас, Ош, Баткен облустарында жаан-чачын күтүлбөйт.Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши ыктымал.
23-январда күндүз жана 24-январда түнкүсүн жаан-чачын күтүлбөйт.
24-январда күндүз Ош, Жалал-Абад облустарынын кээ бир райондорунда, Чүй, Талас, Баткен облустарынын тоолуу райондорунда кар жаашы мүмкүн. Чүй, Талас, Баткен облустарынын дыйканчылык аймактарында жана Ысык-Көл, Нарын облустарында жаан-чачын күтүлбөйт.
25-январда түнкүсүн Баткен облусунан башка аймактардагы тоолу райондордо кар жаашы ыктымал.
26-январда түнкүсүн Чүй, Талас, Жалал-Абад, Ош, Баткен облустарынын көпчүлүк аймактарында кар жаашы күтүлсө, Ысык-Көл Нарын облустарында жаан-чачын күтүлбөйт. Күндүз Чүй, Талас, Жалал-Абад, Ош, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда кар жаашы мүмкүн.
27-январда түнкүсүн кээ бир райондорунда кар жаашы күтүлсө,күндүз жаан-чачын күтүлбөйт.
