Октябрь администрациясы жана райондук кызматтар менен биргеликте райондун аймагындагы мыйзамсыз көчө соодасын жоюу максатында жума сайын рейддерди өткөрүп келет. Бул тууралуу Бишкек шаарынын мэриясынан билдирди.

Маалыматка караганда, борбор калаадагы   «Ынтымак-2» сейил багында мыйзамсыз баш аламан соода сатыкка текшерүү жүргүздү.

Баш аламан соода шаардын электр тармактарына мыйзамсыз кошулуу менен коштолуп, борбордун бюджетине жана энергетика тармагына белгилүү бир жоготууларды алып келүүдө.

Рейддин жыйынтыгында 26 баш аламан соода  пунктары жок кылынды. Бардык көчөдө соода кылгандар менен түшүндүрүү иштери жүргүзүлдү.