Бишкекте биринчи диагональ жөө өтмөк пайда болду. Бул тууралуу мэриядан билдиришти.
Аталган жол чийин Чүй менен Шопоков көчөлөрүнүн кесилишине түшүрүлдү. Жакында ушундай эле өтмөк Чүй менен Бейшеналиева көчөлөрүнүн кесилишинде пайда болот. Азырынча диагональ жол чийин сыноо иретинде киргизилүүдө.
Бул кайчылаш жөө өтмөктүн башкаларынан айырмачылыгы, унаалардын баары бир убакта көчөнүн кесилишинде кыймылын токтотуп, жөө адамдар жолду бардык тараптан, анын ичинде диагоналынан кесип өтө алат.
