Бүгүн, 19-ноябрь күнү Бишкекте бокс боюнча өлкө чемпионаты башталды. Бул тууралуу дене тарбия жана спорт департаментинен билдиришти.
Мелдеш Каба уулу Кожомкул атындагы Спорт ордосунда өтүүдө. Ага жалпы 103 спортчу катышууда.
Жеңүүчүлөргө Спорттун олимпиадалык түрлөрү боюнча дирекциясы жана Бокс федерациясы тарабынан тиешелүү даражадагы дипломдор жана медалдар тапшырылат.
Таймаштар өткөн салмак категориялары:
Эркектер: 48, 51, 54, 57, 60, 63.5, 67, 71, 75, 80, 86, 92, +92 кг;
Кыз-келиндер: 48, 50, 52, 54, 57, 60, 63, 66, 70, 75, 81, +81 кг.
