Өлкө башчы Садыр Жапаров бир катар маданият жана искусство ишмерлерине Токтогул атындагы мамлекеттик сый акысын ыйгаруу жөнүндө жарлыкка кол койду. Бул тууралуу президенттин басма сөз кызматы билдирди.

Адабият жаатындагы мамлекеттик сый акы жазуучу Ишен Айтмамбетовго «Бет-Алман» тарыхый романы үчүн ыйгарылды. Ал эми музыкалык искусство жаатында сый акы «Боз жорго» музыкалык чыгармасы үчүн композитор-обончу Түгөлбай Казаковго берилди.

Ошондой эле Токтогул сый акысы Кино искусство, радио жана телекөрсөтүү жаатындагы Токтогул сый акысы «Кыргызфильм» киностудиясынын сценаристи жана кинорежиссеру Абдыкадыр Тилекке Кара-Кыргыз автономиялуу облусунун 100 жылдыгына арналган 4 сериялуу тарыхый-документалдуу киноэпопеясы үчүн ыйгарылды.