Бишкекте адам өлтүрүүгө шектелген жаран кармалды. Бул тууралуу Ленин райондук милициясынан билдиришти.
Милициянын маалыматы боюнча, окуя 3-октябрда кечке жуук болгон. Павлов көчөсүндөгү кафеде белгисиз жаран бир эркек кишинин мойнуна бычак сайып, окуя жеринен качып кеткен. Жараат алган жаран ооруканага түшкөн.
Аталган факт боюнча «адам өлтүрүүгө аракет кылуу» беренеси менен кылмыш иши козголгон.
Иликтөө иштеринин натыйжасында шектүү катары 30 жаштагы Н.Ж. аттуу жаран кармалган. Соттун чечими менен ал тергөө аяктаганча 4-декабрга чейин №1 тергөө абагына камакка алынган.
Учурда тиешелүү экспертизалар дайындалып, иликтөө иштери уланууда.
