Бишкекте KIA үлгүсүндөгү унаа жөө жүргүнчүлөр өтүүчү жерден шаар тургунун сүзүп кетти. Бул тууралуу Патрулдук милиция кызматынан билдиришти.

Окуя кечээ, 17-майында болжол менен саат 08:00 чамасында 1988-жылы туулган М.М. атуу айдоочу “Kia K5” үлгүсүндөгү авто унаасы менен Сүйөркулов көчөсү менен күн чыгышты көздөй бара жатып, №17 орто мектептин тушунан жөө өтмөктөн өтүп бара жаткан кызды сүзүп алган.

Натыйжада 2005-жылы туулган Н.К. аттуу жөө жүргүнчү жабыркап №3-балдар ооруканасына жеткирилген.

Ал эми авто унаа убактылуу токтотуучу айып короо жайына токтотулуп, тийштүү экпертизалар дайындалып, айдоочусуна карата тергөө амалдары жүргүзүлүүдө.