Бишкекке Кытайдан жаңы алынып келген Jong Tong фирмасынын автобустары бүгүн, 31-августта каттамга чыкты. Бул тууралуу мэриядан билдиришти.
Маалыматка караганда, аталган автобустар үчүн үч жаңы каттам түзүлгөн: No15, 51, 52. 31-август — Эгемендик күнү жана 1-сентябрь — Билим күнүндө аталган үч каттам боюнча автобустар жарандарды акысыз ташыйт.
Ошондой, эле №100, 105, 152, 195 жана 32 каттамдардагы кичи автобустар кытайлык автобустарга алмаштырылган.
Бүгүн Эгемендик күнүнө карата майрамдык иш-чаралар өткөндүгүнө байланыштуу шаардагы коомдук унаалар түнкү саат 01:00го чейин иштейт.
Биздин Телеграм каналга катталыңыз
