Бишкек шаарында жүргүнчүлөрү бар кичи автобус оодарылып кетти.

Бишкек шаардык Жол кайгуул кызматынын маалыматына караганда, жол кырсык 11-июнда Карасаев жана Матросов көчөлөрүнүн кесилишинде катталып, №212 кичиавтобус жана “Lexus 470” үлгүсүндөгү унаасы кагышкан. Жерине тез жардам кызматы чакырылган.

Алдын ала маалыматка караганда, жол кырсыктын кесепетинен кичи автобустагы төрт киши жабыркап, ооруканага жеткирилген.

Кайгуул кызматкерлери кырсыктын чоо-жайын тактоодо.