26-27-апрель күндөрү Бишкек шаарынын 147 жылдыгына арналган майрамдык иш-чара өтөт. Бул тууралуу шаар мэриясы билдирди.
Бул күндөрү борбордук Ала-Тоо аянтында саат 13:00дөн 22:00гө чейин спектаклдер жана оюн-зоок көрсөтүлөт. Ошондой эле жаштардын флешмобдору өтөт.
Мындан тышкары жандуу үн менен коштолгон концерт, көз жоосун алган бий, виртуалдуу технологияларды колдонгон стенддер жана интерактивдүү оюндар уюштурулат. Өзгөчө добуштар менен коштолгон 3D- мэппинг шоу көрсөтүлөт.
