Бокс боюнча Кыргызстандын улуттук курама командасынын мүчөлөрү 19-28-февраль аралыгында София (Болгария) шаарында өтө турган «STRANJA» эл аралык турнирине катышат.
Бул салттуу бокс боюнча 73-эл аралык турнир. Ага дүйнөнүн 36 өлкөсүнөн 450гө жакын күчтүү мушкерлер катышат. Мындай маалымат тууралуу Дене тарбия жана спорт башкармалыгы билдирди.
Кыргызстандын командасынын курамы:
Мирлан Түркбай уулу, MCMK, 48 кг;
Дүйшебаев Нуржигит, 52 кг;
Жеңишбек Белашаров, 57 кг;
Акылбек Эсенбек уулу, МС, 60 кг;
Жантөрө Ташиев, МС, 63,5 кг;
Сыргак Абдыжапар уулу, МС, 71 кг;
Өмүрбек Маманов, 75 кг;
Эркин Адылбек уулу, МС, 86 кг;
Бекзат Абдуршидов, судья;
Данияр Төлөгөн уулу, башкы машыктыруучу.
Белгилей кетсек, «STRANDJA» Кубогу IBA Diamond лигасынын бокс боюнча алтын сериясындагы биринчи турнир катары тарыхта калат. Европадагы эң престиждүү турнир континенттеги жалгыз жана жаңы форматтагы 3 дүйнөлүк алтын турниринин бири болот. «STRANDJA» Болгария үчүн биринчи турнир болот, ага эркектердин 13 жана аялдардын 12 салмак категориясындагы мушкерлер катышат.
