Президент Садыр Жапаров бүгүн, 17-июнда, Казакстандын Астана шаарында өтүп жаткан “Борбор Азия – Кытай” Экинчи Саммитине катышты. Саммиттин жүрүшүндө мамлекет башчылары стратегиялык мүнөздөгү бир катар маанилүү документтерге кол коюшту.
Негизги документтер:
- Түбөлүк ынак коңшулук, достук жана кызматташтык тууралуу келишим;
- Саммиттин расмий жыйынтыгы болгон “Астана декларациясы”.
Мындан тышкары төмөнкү тармактар боюнча макулдашууларга кол коюлду:
Өнөр жай жана маалыматтык технологиялар:
Борбор Азия өлкөлөрүнүн өнөр жай органдары менен Кытайдын тиешелүү министрлиги кызматташат.
Соода жана экономика:
— Соода-экономикалык кызматташтыкты күчөтүү планы;
— Соодадагы тоскоолдуктарды азайтуу боюнча өз ара түшүнүшүү;
— “Жашыл минералдар” тармагында инвестициялык кызматташтык.
Транспорт жана логистика:
— “Кытай – Борбор Азия – Европа” темир жол каттамдарын өнүктүрүү;
— Эл аралык жүк ташуу уруксаттарын жөнөкөйлөтүү;
— Транспорт жаатындагы гуманитардык кызматташтык.
“Бир алкак, бир жол” демилгеси:
Аны сапаттуу ишке ашыруу боюнча иш-чаралар планы бекитилди.
Бажы кызматташтыгы:
— Бажы тобокелдиктерин башкаруу боюнча макулдашуу;
— Интрузивдик эмес текшерүү жана сүрөттөрдү интеллектуалдык таануу боюнча техникалык кызматташтык.
Маданий жана гуманитардык байланыштар:
— 2025–2026-жылдарга карата биргелешкен иш-чаралар программасы;
— Жарандардын өз ара сапарларын жеңилдетүү демилгеси.
Мындан тышкары, Кыргызстандын борбору Бишкек менен Кытайдын Сычуань провинциясы боордош шаарлар болуп жарыяланды.
