Бүгүн, 31-мартта Кыргызстандын бир нече аймактарында жер титирөө катталды. Бул тууралуу ӨКМ кабарлады.
Маалыматка ылайык, саат 13:25те Нарын облусунун аймагында күчү 4,5 баллга жеткен жер титирөө катталды.
Ушул эле убакта Чүй облусунун аймагында жер титиреп, силкинүү Ысык-Ата районунун Карагай-Булак айылында 3,5 балл, Бишкек шаарында 2,5 баллга чейин сезилди.
Учурда аталган жерлерде жабыркагандар жана кыйроолор боюнча тактоо иштери жүргүзүлүүдө.
