Чаткал районунун прокурору Бакирдин Жанузаков бүгүн эртең менен каза болгон кырсыктан жети адам жабыркады. Бул тууралуу ЖККББнын басма сөз кызматы билдирди.
«Жүргүнчүлөрү бар унаа 6-июль күнү саат 16.00дөр чамасында Бишкектен чыгып кеткен. Унаанын ичинде 8 адам — алты чоң адам жана эки бала болгон. 7-июль күнү саат 07:00дөр чамасында Чаккал районунун Чакмак-Суу айылынан чыгып келе жаткан айдоочу рулду башкара албай калып, анын кесепетинен унаа оодарылып кеткен», — деп айтылат маалыматта.
Маалым болгондой, жабыркагандардын арасында 22 жаштагы айдоочу, 65 жаштагы жүргүнчү — Айгыр-Жар айылынын тургуну, ошондой эле Бишкек шаарынын тургундары: 31, 52, 60 жаштагы жүргүнчүлөр жана 12 жаштагы эки бала болгон.
Эске салсак, жол кырсыгы Чаткал-Кара-Буура унаа жолунун бир бөлүгүндө болгон. Окуяда каза болгон жалгыз юстициянын подполковниги Бакирдин Жанузаков 54 жашта, ал 2020-жылдын май айынан бери райондун прокурору болуп иштеп келген.
