Чаткал районунун прокурору Бакирдин Жанузаков жол кырсыктан каза болду. Бул тууралуу 24.kg укук коргоо органдарындагы өздүк булактарына таянуу менен жазды. ​​

Кырсык бүгүн эртең менен болгондугу айтылууда. Жанузаков Бишкектен Чаткал районуна бара жаткан. Чакмак-Суу айылына жакын жерде өзү бара жаткан унаанын айдоочусу рулду башкара албай калган. Унаа жолдон чыгып, оодарылып кеткен. Жанузаков алдыңкы жүргүнчүлөр орундугунда отурган. Ал ошол жерден каза болгон.

Юстициянын подполковниги 54 жашта болчу жана бул кызматты 2020-жылдын май айынан бери аркалап келет.