Бүгүн, 16-декабрда саат 19:00дө борбордук Ала-Тоо аянтында өлкөнүн башкы балатысын жандыруу аземи өтөт. Бул тууралуу Бишкек шаардык мэриясынын басма сөз кызматы билдирди.

Маалыматка караганда, Чүй проспектисинин Панфилов көчөсүнөн Эркиндик бульварына чейинки бөлүгү кечки саат 18:00дөн иш-чара аяктаганга чейин жабык болот.

“Мэрия келтирилген ыңгайсыздыктар үчүн кечирим сурайт жана тыгынды болтурбоо үчүн айдоочуларды алдын ала альтернативдүү жолдорду тандап алууга чакырат”, – деп айтылат маалыматта.

Быйылкы балатынын бийиктиги 25 метр, диаметри 12 метр. Балатыны кооздоо үчүн 7,5 миң оюнчук, 8 чакырымдык светодиоддук гирляндалар, 2 чакырымдык лампа гирляндалары сатылып алынган.

Биздин Телеграм каналга катталыңыз