Чүй облусунун Жаңы-Жер айылындагы кафеден чыккан өрт өчүрүлдү. Бул тууралуу Өзгөчө кырдаалдар министрлигинен билдиришти.

Маалыматка караганда, бүгүн, 12-июнь күнү Сокулук районунун Жаңы-Жер айылындагы кафеден өрт чыккан.

Өрт кырсыгы катталган аймакка Сокулук райондук №7 ӨКБдан 1, жарым сааттан соң кошумча аталган өрт куткаруу бөлүгүнөн дагы 1 күжүрмөн эсеп жардамга барган.

Күжүрмөн эсептин аракети менен тилсиз жоо 11:03тө чектөөгө алынып, 13:30да толук өчүрүлгөн.

Кырсыктын кесепетинен кафенин 70 чарчы метр аянты, жанаша жайгашкан автомектептин 40 чарчы метри күйүп, 1994-жылы туулган А. Э. аттуу жаран жеңил жаракат алган. Учурда кырсыктын келип чыгуу себептери такталууда.

[image_carousel source=”media: 191462,191463″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналыбызга катталыңыз