Чүйдүн Аламүдүн районунун Гроздь айылында форель жана осетр балыгынын чабагын өстүрө турган инкубациялык комплекс ачылды. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
«Салих Аква» балык чарба комплексинин ачылышына айыл чарба министри Бакыт Төрөбаев катышкан.
Форель жана осетр тукумундагы балык урук (икра) инкубациясына ылайыкталган комплекс бир инкубациялык цикл ичинде 1 миллион чабак өндүрүүгө жөндөмдүү.
Комплекстин курулушуна 576 миң доллар сарпталган. Аны Орус-Кыргыз өнүктүрүү фонду каржылаган.
