Чүйдүн Аламүдүн районунда жаш баланы карактоого шектүүлөр кармалды. Бул тууралуу облустук милициядан билдиришти.
Маалыматка караганда, милицияга А.Ы. аттуу аял арыз менен кайрылган. Ал арызында билдиргендей, ГЭС-5 районунда анын 2006-жылы туулган уулуна белгисиз адамдар кол салып карактап, Lexus GS 350 унаасын, 150 миң сомун, iPhone 13 жана 15 Pro Max телефондорун жана AirPods Max кулакчынын тартып алган.
Аталган фактыга байланыштуу Кылмыш-жаза кодексинин 207-беренеси (каракчылык) боюнча кылмыш иши козголгон.
Ыкчам-тергөө иштеринин натыйжасында шектүү катары 27 жаштагы Л.Д., 26 жаштагы С.Н. жана 21 жаштагы Н.И. аттуу жарандар кармалган. Шектүүлөр 2 айга камакка алынды.
Тергөө уланууда.
