Чүй облусунда уурдалды делген 12 жашар кыз аман-эсен табылды. Бул тууралуу Reporter.kg’ге облустук милициядан билдиришти.

Кечээ, 6-августта Москва райондук милициясына А.А. аттуу жаран (аял киши) арыз менен кайрылып, 12 жашар Н. А. аттуу кызы үйдө жок экенин, уурдалган болушу мүмкүн деп билдирген.

Арыз Москва райондук милициясында каттоого алынган.

“Ошол эле күнү Н.А. табылып, ата-энесине өткөрүлүп берилген. Белгилүү болгондой апасы күндө жумушка кетип жатып кызын үйдө кулпулап кетчү. Кызы ата-энесине атпай, сыртка чыгып кеткен”, – деп билдиришти облустук милициядан.

Эскерте кетсек, 6-августта социалдык тармактарда Чүй облусунда 10 жашар кыз уурдалды деген маалымат чыккан.

Бардык жаңылыктар Телеграм каналда