Жогорку Кеңештин мурдагы төрагасы Дастанбек Жумабеков Кыргызстандын Стамбул шаарындагы башкы консулу болууга аракет кылууда. Бул тууралуу Reporter.kg басылмасына өздүк булактар кабарлады.
Белгилей кетек, 6-октябрдагы толкундоолор учурунда парламент депутаттарынын бир бөлүгү “Достук” мейманканасына чогулуп, Дастанбек Жумабековду спикерликтен бошотушкан. Андан кийин Жогорку Кеңештин төрагалыгы үч жолу алмашты.
Бүгүнкү күндө Кыргызстандын Стамбул шаарындагы башкы консулу кызматын Нурлан Абдрахманов аркалап келген. Ага чейин ал ТИМ башчысынын орун басары эле.
