Базар-Коргон райондук мамлекеттик архивинин башчысы Ж.К. кармалды. Бул тууралуу облустук ички иштер башкармалыгы билдирди.

Ж.К. 2023-жылдын 6-июлунда архивде сакталып турган документти жок кылып, анын ордуна башканы тиркеп койгон.

Андан тышкары, архивде жок 1999-жылдын 30-мартындагы сатуу жана сатып алуу келишимди 2023-жылдын 10-октябрында көчүрмөнү мөөр менен тастыктап берген. Анын негизинде Жер ресурстар кызматынын Базар-Коргон филиалы тарабынан 20 363 000 сомго бааланган 1,5 га жер участогуна болгон жеке менчик укугу жөнүндө мамлекеттик акт даярдалып берилген.

Ага каршы Кылмыш-жаза кодексинин 337-беренеси (Кызмат абалын кыянаттык менен пайдалануу) менен кылмыш иши козголду.