Жалал-Абад облусунун башчысы Тилек Текебаев грузиялык белгилүү сүрөтчү жана скульптор Тамара Квеситадзе менен жолугушту. Бул тууралуу президенттин облустагы өкүлчүлүгү билдирди.
Жолугушууда Текебаев Тамара Квеситадзе менен Жалал-Абад шаарында маданий-эстетикалык борбор уюштуруу, кыргыз элинин улуттук баалуулуктары чагылдырылып, облустун өзгөчөлүктөрү камтылган жана туристтердин кызыктыра турган скульптуралык чыгарманы жаратуу тууралуу сүйлөшкөн.
Тамара Квеситадзе дүйнөгө белгилүү бир катар скульптуралык чыгармаларды жараткан. Алардын катарында Грузиянын Батуми шаарында орнотулган «Эркек жана аял» аттуу айкел бар. Айкелдин аты кийин «Али жана Нино» деп өзгөртүлгөн.
Тамара Квеситадзе жана Тилек Текебаев
