Дүйнөлүк күрөш уюму кыргызстандык балбан кыз Айсулуу Тыныбекованы «2023-жылдын мыкты балбан кызы» наамына көрсөттү.
«Жылдын мыкты балбан кызы» наамына жалпы 5 спортчу көрсөтүлгөн. Алардын арасында Тыныбековадан тышкары 2 япониялык, америкалык жана түркиялык балбан кыздар бар.
Спортчуларга Дүйнөлүк күрөш уюмунун «Инстаграмдагы» unitedworldwrestling баракчасынан добуш берүүгө болот.
Белгилей кетсек, быйыл Айсулуу Тыныбекова 6 эл аралык мелдешке катышып, 4 алтын, 1 коло медаль уткан. Алардын ичинде Тыныбекова Азия жана дүйнө биринчиликтерин утуп, Азиянын 5 жана дүйнөнүн 3 жолку чемпиону болду.
Биздин Телеграм каналыбызга катталыңыз
