Жалал-Абад облустук ички иштер башкармалыгы социалдык тармактарда тараган видео жөнүндө түшүндүрмө таратты.

Буга чейин Жалал-Абад шаарында жаш кызды аёсуз сабап жатканы чагылдырылган видео социалдык тармактарга жарыяланган. Видеодо белгисиз кыз өзү менен тең чамал кызды сабагандыгы көрсөтүлгөн.

Облустук милициянын маалыматына караганда, окуя ушул жылдын 7-июнь күнү болгон. Видеодогу мушташып жаткан кыздардын өздүгү такталып, алар милицияга алынып келинген.

Териштирүүнүн жүрүшүндө эки кыз жакын курбу экендиги аныкталган.  Мындан улам жабырлануучу эч кимге доосу жоктугун билдирип, соттук-медициналык экспертизадан өтүүдөн баш тарткан. Кийин тосмо арыз жазып, кылмыш жоопкерчилигине тартылган эмес.

Жалал-Абадда кызды аёсуз сабап жаткан видео тарады