Ысык-Көлдүн Эңилчек айылында 3-мартта башталгыч мектептин имараты күйүп кетти. Бул тууралуу Билим берүү жана илим министрлигинен билдиришти.
Министрликтин маалыматы боюнча, учурда мектептин окуучулары айыл өкмөттүн имаратында окуп жатат, окуу процесси үзгүлтүккө учураган жок.
Аталган мектеп 1970-жылы ишке берилген. Ал 50 орунга эсептелген. Учурда ал жакта 23 бала билим алып жаткан.
Азыркы тапта Өзгөчө кырдаалдар министрлиги өрттүн чыгуу себептерин аныктоодо, анын жыйынтыгы чыкканда кошумча маалымат берилет.
