Бүгүн, 23-февралда, Бишкек шаарында Өзгөчө кырдаалдар министрлигине (ӨКМ) атайын техникаларды тапшыруу аземи өттү. Иш-чарага өкмөт башчы Адылбек Касымалиев катышып, 116 даана техниканын ачкычтарын өзгөчө кырдаалдар министри Урматбек Шамыркановго тапшырды.

Минкабдын маалыматында, акыркы беш жыл ичинде мекеме 652 даана автотранспорт жана атайын техника менен камсыздалып, ага 7 млрд сом багытталган.

Адылбек Касымалиев иш-чарада сүйлөгөн сөзүндө акыркы жылдары министрликти каржылоо өз убагында жана жетиштүү көлөмдө жүргүзүлүп жатканын белгиледи. Атап айтканда:

• ӨКМдин 2025-жылга карата бюджети 5,5 млрд сомдон ашты;
• Каражаттар авариялык-калыбына келтирүү иштерине, инфратүзүмдүк долбоорлорго жана стратегиялык объектилерди курууга жумшалууда;
• Метеостанцияларды куруу, аэродромдорду модернизациялоо жана чек ара аймактарын өнүктүрүү иштери каржыланууда.