Эртең, 24-мартта түнкүсүн көпчүлүк аймактарда мезгил-мезгили менен жаан, кар, тоо этектеринде жана тоолуу райондордо кар жаайт. Бул тууралуу Кыргызгидрометтен маалымдады.
Күндүз Талас, Ош, Жалал-Абад, Нарын облустарынын көпчүлүк аймактарында, Чүй, Баткен, Ысык-Көл облустарынын кээ бир райондорунда жаан, кар, тоо этектеринде жана тоолуу райондордо кар жаашы мүмкүн. Батыштан келген шамалдын ылдамдыгы секундасына 4-9 метрге жетет.
Аба ырайы:
Чүй облусунда түнкүсүн 0…-5, күндүз 2…7;
Талас жергесинде түнкүсүн 0…-5, күндүз 1…6;
Баткен, Ош, Жалал-Абад дубандарында түнкүсүн 0…5, күндүз 4…9;
Ысык-Көл облусунда түнкүсүн 0…-5, күндүз 1…6;
Нарын облусунда түнкүсүн 0…-5, күндүз 0…5;
Бийик тоолордо түнкүсүн -10…-15, күндүз -1…-6 градус.
Эртең, Бишкекте түнкүсүн маал-маалы менен кар жаайт, күндүз жаан-чачын күтүлбөйт. Абанын температурасы түнкүсүн 0…-2, күндүз 5…7 градус болот.
