Түркияда өтүп жаткан Ислам тилектештик оюндарында кыргызстандык спортчу Тынар Шаршенбеков грек-рим күрөшү боюнча күмүш медаль тагынды.

Ал 63 килограммга чейинки салмак категориясында чыкты. Кыргызстандык 1/4 финалдан баштап, катары менен эки жеңишке жетип, финалга чыкты.

Алтын үчүн болгон күрөштө Тынар Шаршенбеков 34 жаштагы ирандык спортчу менен беттешип, ага жеңилип, күмүштүн ээси болду.

Бул медаль Кыргызстан үчүн Түркиядагы оюндарда бешинчи медаль болду – эки алтын, эки күмүш жана бир коло.

Ислам тилектештик оюндары бешинчи жолу өтүп жатат. 2021-жылы, коронавирус пандемиясынан улам алар 2022-жылдын августуна жылдырылган.

Бардык жаңылыктар Телеграм каналда