Кара-Балта шаарында жети жаштагы кыз каза болду. Бул тууралуу «Балдардын укугун коргоочулар лигасы» коомдук фондунун директору Назгүл Турдубекова билдирди.

Алдын ала маалыматтар боюнча, 14-январда кыз эс-учун жоготкон абалда Жайыл аймактык ооруканасынын жандандыруу бөлүмүнө жаткырылган.

Көрүлгөн чараларга карабай, кыз 15-январдан 16-январга караган түнү реанимацияда каза болгон.

Маалым болгондой, кыз 18 жаштагы улуу эжесинин көзөмөлүндө болгон. Үй-бүлөдө беш бала бар. Ата-энеси жумушка кетишкен.

Окуя боюнча укук коргоо органдары иликтөө иштерин баштады.

Бишкекте 11 бала тарбияланган фостердик үй-бүлөнүн үйү күйүп кетти

Биздин Телеграм каналга катталыңыз