Жогорку Кеңештин Эл аралык иштер, коргоо, коопсуздук жана миграция боюнча комитети кыргыз-казак чек арасындагы «Каркыра» өткөрмө бекетинин иштөө режимин өзгөртүү тууралуу макулдашууну үчүнчү окууда колдоду.
Учурда аталган өткөрмө бекет күндүз гана иштейт. Макулдашуу боюнча, аны күнү-түнү иштөө режимине өткөрүү, ошондой эле жыл бою иштетүү каралган. Мурдагы макулдашуу боюнча «Каркыра» бекети жыл бою иштей турганы эки тараптын келишими менен аныкталат деп көрсөтүлгөн.
«Каркыра» өткөрмө бекети Ысык-Көлдүн Түп районундда жайгашкан. Ал негизинен жаз айларында ачылып, күзгө чейин иштейт.
