Казакстан менен Кытайдын өкмөттөрү эки өлкөгө кирүүдө өз жарандарына визасыз режим киргизүүнү пландоодо. Бул тууралуу Tengritravel.kz сайты жарыялады.
Тиешелүү токтомдун долбоорун Тышкы иштер министрлиги даярдаган.
Документке ылайык, казакстандыктар Кытайда, ал эми кытай жарандары Казакстанда чек арадан өткөн учурдан тартып 30 күндөн ашык эмес, же 180 күндүк мөөнөттө 90 күн боло алышат.
Токтом долбоорунда келишимге казак президенти Касым-Жомарт Токаевдин 18-19-майдагы Кытайга мамлекеттик сапарынын алкагында Сиань шаарында кол коюлары белгиленген.
Биздин Телеграм каналга катталыңыз
