Бүгүн, 4-октябрда Жогорку Кеңештин депутаттарын шайлоо өтүп жатат. Ага 16 партия ат салышууда. Добуш берүү башталганына 4 саатан ашты. Бул убакыт ичинде бир канча мыйзам бузуулар болгонун социалдык тармактын колдонуучулары жарыялап жатат.
Reporter.kg сайтынын телеграм каналына окурман колунда бир канча бюллентенди урнага салып жаткан видеону жиберди. Окурман бул кайсы аймакта жана кайсы шайлоо участкасында экенин маалымдаган жок.
Бул видео боюнча Reporter.kg’нин кабарчысы Борбордук шайлоо комиссиясынан комментарий алууга аракет кылууда.
