Кыргыз-казак чек арасындагы “Чалдыбар” бекети 10-июнь күнү ачылды. Бул тууралуу Мамлекеттик чек ара кызматы кабарлады.
Маалыматта айтылгандай, аталган өткөрмө бекет “Ак-Тилек” өткөрмө бекетиндеги жүк ташуучу автоунаалардын тыгынын азайтуу максатында ачылган.
Өткөрмө бекетинен өтүп жатканда бардык айдоочулар коронавирус бар-жок экенин аныктоочу экспресс-тест тапшырып, анализдери таза чыккан соң гана Казакстанга кире алышат.
Ушул тапта кыргыз-казак чек арасындагы “Ак-Тилек”, “Чалдыбар”, жана ”Чоң-Капка” бекеттери иштеп жатат.
Белгилей кетсек, 10-июнь күнү кыргыз-казак өкмөт башчылары телефондо сүйлөшүп, чек-ара бекетерин ачуу тууралуу чечим кабыл алышкан.
