Кыргыз Республикасынын Эл акыны, сатирик Жолочу Рысбаев 75 жашында мезгилсиз дүйнөдөн кайтты. Бул тууралуу Маданият, маалымат, спорт жана жаштар саясаты министрлиги билдирди.
Жолочу Рысбаев Ысык-Көлдүн Түп районунун Жылуу-Булак айылында 1949-жылы 25-июнда туулган.
Орто мектепти аяктагандан кийин Фрунзе шаарындагы (азыркы Бишкек) В.И.Ленин атындагы машина куруу заводунда жумушчу болуп иштөө менен бирге 1974-жылы Кыргыз мамлекеттик университетинин филология факультетин сырттан окуп бүтүргөн.
Чыгармачылык эмгек жолун 1975-жылы Кыргыз телерадиоберүү компаниясында редактор болуп баштаган. 1988-жылы СССР жазуучулар союзунун мүчөсү болгон.
Бир катар аңгемелердин, сатилалык чыгармалардын жана обондуу ырлардын автору.
