Кыргызстандын окуучулары ушул жылдын 8-ноябрынан 13-ноябрына чейин Өзбекстандын Фергана шаарында онлайн жана офлайн форматтарда болуп өткөн Ахмад аль-Фергани атындагы I физика боюнча эл аралык олимпиадада (IAFPhO 2021) 3 коло медалды багындырышты.Бул туурасында Билим берүү жана илим министрлиги билдирди.

Маалыматка караганда, Олимпиаданын жыйынтыгы боюнча 11-класстын окуучулары Денис Сапарбек уулу (Кадамжай), Нияз Жусупбеков (Жалал-Абад) жана Бекали Гартман (Чүй) коло медалдарды жеңип алышты.

Олимпиадага Кыргызстандын курама командасындагы 8 окуучуну мугалимдерден Садирбек Муратов, Доктурбек Кудашов жана Сүйүн Умаровалар коштоп барышкан.

Мелдешке 19 өлкө катышты. Кыргызстан офлайн форматта катышты. Олимпиада бардык санитардык-эпидемиологиялык ченемдерди сактоо менен өткөрүлдү.

[image_carousel source=”media: 108710,108709,108707″ limit=”20″ slides_style=”photo” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]