Өзгөчө кырдаалдар министрлиги (ӨКМ) билдиргендей, Кыргызстан президенттин тапшырмасы менен Иранга гуманитардык жардам көрсөтөт.

Такталгандай, жүктүн жалпы көлөмү 129 тоннаны түзөт, анын ичинде 63 тонна дары-дармек жана 66 тонна азык-түлүк — ун, эт консервалары, өсүмдүк майы бар.

Жүк жүктөлгөн жети фура Иранга жөнөтүлүүгө даяр турат.

«Бул жардам жабыркаган жай тургундарды колдоого багытталган. Гуманитардык жүктү иран тарапка өткөрүп берүү Кыргызстандын Ирандагы элчиси Акылбек Кылычевдин катышуусунда ишке ашырылат», — деп кошумчалашты мекемеден.