Ташкентте Кыргызстан менен Өзбекстандын делегацияларынын чек ара маселелери боюнча кезектеги жолугушуусу 24-апрелде болуп өттү.
Ага Өзбекстандын премьер-министри Абдулла Арипов жана Кыргызстандын министрлер кабинетинин төрагасынын орун басары Камчыбек Ташиев төрагалык кылышты.
Өзбекстандын өкмөтүнүн маалыматына ылайык, жолугушууда «Чашма» булагын биргелешип пайдалануу жана чек ара маселелери талкууланган.
Жыйынтыгында «Чашма» булагын биргелешип пайдалануу боюнча негизги макулдашуу кабыл алынды.
Өзбекстан тарап суунун үчтөн эки бөлүгүн пайдаланууга мүмкүнчүлүк алат. Ошондой эле булактын суусуна таасир эте турган бардык аракеттер эки тараптуу макулдашуу менен жүргүзүлөт.ы
