Азербайжандын борбору Бакуда Кыргызстандын Соода үйү ачылды. Бул тууралуу ТИМ билдирди.

Соода үйү Кыргызстандын улуттук продукциясын, инвестициялык потенциалын жана туристтик мүмкүнчүлүктөрүн тааныштырган аянтча болот. Анда көргөзмө жана соода зоналары уюштурулган.

Соода үйүнүн ачылышына Азербайжандын расмий түзүмдөрүнүн, дипломатиялык корпустун, ишкер чөйрөлөрдүн өкүлдөрү катышкан.

“Азербайжанда Кыргызстандын соода үйүнүн түзүлүшү кыргызстандык продукция өндүрүүчүлөр жана туристтик операторлор үчүн жаңы мүмкүнчүлүктөрдү ачат”,- деп айтылат маалыматта.