Россияда бокс боюнча жаш уландар арасында өткөн эл аралык мелдеште кыргызстандык мушкерлер 3 медаль утту. Бул тууралуу Дене тарбия жана спорт департаментинен билдиришти.

Медалдардын экөө алтын, бирөө коло. Мушкерлер Зафарбек Камилов (51 кг) жана Мырзакир Кошалиев (+92 кг) алтын байге утту. Ошондой эле Амантур Жумаев коло медаль тагынды.

2006-2007-жылы төрөлгөн спортчулар арасындагы бокс боюнча эл аралык мелдеш 20-24-февраль күндөрү Россияда болуп өттү.

Кыргызстандык мушкерлер мелдешке башкы машыктыруучу Улан Төлөнбай уулу жана машыктыруучу Азиз Абаскановдун жетекчилиги алдында катышты.