2026-жылдын 16-январынан 26-январына чейин «Сириус» билим берүү борборунда (РФ, Сочи ш.) Россия жана Кыргызстан командаларынын катышуусунда «Биология боюнча курама командага талапкерлер үчүн мектеп» аталышындагы окуу-машыгуу лагери болуп өттү.

Кыргыз Республикасынан иш-чарага машыктыруучу — Биология боюнча улуттук олимпиаданын мүчөсү Нурсултан Увалиевдин жетекчилиги астында улуттук кураманын 8 окуучусу катышты.

Лагердин программасы практикалык даярдыкка негизделип, үч негизги блокту: биохимияны, адамдын жана жаныбарлардын физиологиясын, ошондой эле эволюция, экология жана биосистематиканы өз ичине камтыды.