Кыргызстандын гуманитардык жардамы Иранга жетти

07.04.2026 | 10:06

Кыргызстандын гуманитардык жардамы учурда Түркмөнстан менен Ирандын чектешкен аймагына жакын Серахс шаарына жетти. Бул тууралуу Өзгөчө кырдаалдар министрлиги билдирди.

Маалыматка ылайык, гуманитардык жүктөрдү кабыл алуу иштери бүгүн, 7-апрелде, бажы процедуралары толук аяктагандан кийин жүргүзүлөт.

Эске салсак, 3-апрелде президенттин тапшырмасы менен Иранга гуманитардык жардам жүктөлгөн 7 унаа Иранга сапар алган. Жүктүн жалпы көлөмү 129 тоннаны түзөт, анын ичинде 63 тонна дары-дармек жана 66 тонна азык-түлүк: ун, эт консервалары, өсүмдүк майы бар.

Scroll to Top