“Манас” аэропортунун жүктөрдү убактылуу сактоочу кампасынан 6 тонна апийим саманы кармалды. Бул тууралуу Мамлекеттик бажы кызматы билдирди.

Маалыматка караганда, «Манас» бажысынын кызматкерлери  УКМКнын 6-башкармалыгы менен бирге  иш алып барышкан.

Кыргызстанга четтен алынып келинген 24 тонна тамак-аш  апийиминин арасынан жалпы салмагы 6 тоннадан ашык апийим саманы табылды.

Бажы кызматы мекеменин тарыхында биринчи жолу мындай өзгөчө ири партиядагы баңги затын өлкөгө киргизүүгө бөгөт коюлганын белгилейт.

Апийим саманы баңги зат болуп эсептелет жана Кыргызстанда тыюу салынган.

Баңгизаттардын так салмагын аныктоо үчүн соттук-медициналык экспертиза дайындалат.

Биздин Телеграм каналга катталыңыз