Бүгүн, 2-июнда республиканын мамлекеттик жана муниципалдык жалпы билим берүү уюмдарына 1 – 2-класстарга балдарды электрондук каттоонун экинчи этабы башталды. Бул тууралуу Агартуу министрлиги билдирди.
Министрлик, 2-этапта бош орундарга балдарын каттагысы келген ата-энелердин саны өтө көп болуп, баары бир убакта системага киргендиктен системанын иштөөсүндө техникалык маселелер жаралганын билдирди.
«Ушул тапта система штаттык режимде иштеп, ата-энелер балдарын мектепке электрондук каттоону өз алдынча жүзөгө ашырып жатышат.
Техникалык маселелерге байланыштуу жаралган абалды туура түшүнүүгө чакырабыз»,- деп айтылат маалыматта.
Эске салсак, каттоонун 2-этабы 31-августта аяктайт.
