Билим берүү жана илим министри Алмазбек Бейшеналиев УКМКнын тергөө абагына эки айга камакка алынды. Мындай чечимди Бишкектин Биринчи май райондук соту чыгарды.

Ал сот залына кирип бара жатып “пара” делген акча каражаты билим берүү тармагына инвестиция үчүн берилгенин айтты.

Ошондой эле эч кандай күнөөсү жоктугун, пара албагандыгын, бардык далилдерди тергөөдө көрсөтүп берээрин, тынчсызданууга себеп жок экенин белгиледи.

Эскерте кетсек, билим берүү министри Алмазбек Бейшеналиев 28-сентябрдын кечинде пара алууга шектелип кармалган.  Анын кармалышы чет элдик студенттерди Кыргызстандагы окуу жайларга өткөрүү үчүн пара (110 миң доллар) талап кылуу ишине байланыштуу.

Биздин Телеграм каналга катталыңыз