Москвада Кыргызстандын жараны коомдук жайда сөгүнүп, мушташ чыгаргысы келген деп айыпталып камакка алынды. Бул тууралуу Москва шаарынын жалпы юрисдикциядагы соттордун Телеграм каналында айтылат.
Соттун маалыматы боюнча, кыргызстандык Ч. Сартбаев мас болуп, коомдук жайда сөгүнүп, башка адамдар менен мушташ чыгаргысы келген. Полициянын талаптарына баш ийген эмес.
Жыйынтыгында ал «майда бешбаштыкка» күнөөлүү деп табылып, сот аны 5 күнгө камакка алуу чечимин чыгарган.
