Нарын мамлекеттик университетинен 300дөн ашуун студент окуудан чыгарылды

Нарын мамлекеттик университетинен 300дөн ашуун студент окуудан чыгарылды

Нарын мамлекеттик университетинде 300дөн ашуун студент окуудан чыгарылып, 13 кызматкер жазага тартылып, институттун директору кызматынан алынды. Ал эми окуу жайдын айрым жетекчилерин кызматтан алуу сунушталды. Бул тууралуу УКМК билдирди.

Маалыматта айтылгандай, 2023-жылдын аягында окуу жайдын жетекчилиги жана жооптуу кызматкерлери мыйзам талаптарын бузуп, 400дөн ашуун чет өлкөлүк студенттерди которуу жолу менен кабыл алышкан.

Тактап айтканда, кабыл алуу комиссиясы аталган студенттерди окууга кирүү үчүн керектүү документтеринин жоктугуна жана сабактар боюнча академиялык айырмачылыктардын жол берилген санынан ашып кеткендигине карабастан дистанттык окууга өткөргөн.

Ошондой эле, окуу жайдын жетекчилиги окуу жайдын компетентсиз кызматкерлерин атайылап кабыл алуу комиссиясынын курамына киргизген. Жетекчилик аларга басым көрсөтүү жолу менен комиссиянын жасалма иштерин уюштуруп, айрым чет элдик студенттерди жасалма документтер менен НМУга өтүшүнө жол бергени белгилүү болгон.

Жогорудагы мыйзам бузуулар Билим берүү жана илим министрлиги түзгөн текшерүү комиссиясы тарабынан тастыкталган. Мындан тышкары, комиссия чет өлкөлүк студенттерди окутууда да бир катар одоно мыйзам бузууларды аныктаган. Студенттерге онлайн сабактар өткөрүлбөй, негизсиз баалар коюлган. Студенттердин жеке электрондук кабинетине кирүүсү көзөмөлсүз калтырылып, окуу графигинен тышкары кирүүгө мүмкүнчүлүк берилген. Контрактты төлөө боюнча ири карыздар болгон.

Окуп жаткан студенттердин көпчүлүгүнүн мамлекеттик жана расмий тилдерди таптакыр билбегендигине карабастан, тесттер орус жана кыргыз кабыл алынып, сессияда аларга жогорку баалар коюлган. Ал эми университет тарабынан башка тилдерде окутуу каралган эмес.

Атайын кызмат университеттин жетекчилиги жана жооптуу адамар чет элдик студенттерди кабыл алуудан каржылык пайда алууга аракет кылышканын билдирди.

 

Поделиться в социальных сетях:

Тема боюнча жаңылыктар

Бардык жаңылыктар >>