Нооруз майрамына карата өлкөдө милиция кызматкерлери күчөтүлгөн тартипте иштейт. Бул тууралуу Ички иштер министрлиги билдирди.
Министрлик Бишкекте майрамдык иш-чара Т. Усубалиев атындагы эски аянты өтөрүн, ага байланыштуу Абдымомунов көчөсү Панфиловдон Эркиндик бульварына чейинки бөлүгү 18-марттан 23-мартка чейин жабык болорун эске салды.
«Республиканын ички иштер органдарынын өздүк курамы Нооруз майрамында күчөтүлгөн тартипте кызмат өтөйт. Көчөлөрдө жана коомдук жайларда милициянын кезметтери күчөтүлөт. Ошондой эле майрамдык иш-чаралар өтө турган жерлерде коопсуздукту камсыздоого өзгөчө көңүл бурулат», — деп айтылат маалыматта.
Майрамдык иш-чараларды өткөрүү учурунда коомдук тартипти 10 миңден ашык милиция кызматкери карайт.
